На дне Камсамольскага возера знайшлі цела зніклага 25-гадовага хлопца

Што здарылася з ім па дарозе дадому - яшчэ трэба высветліць.

Завершаны вышук 25-гадовага менчука Барыса Мінакова, які прапаў чатыры дні таму. Сёння яго цела знайшлі ў рацэ Свіслач у сталіцы, паведамілі tut.by ў пошукавым атрадзе «Анёл».

Хлопца шукалі з 30 сакавіка, тады вечарам у суботу ён не вярнуўся дадому. Было вядома, што ў маладога чалавека праблемы з сэрцам.

Сёння валанцёры ПВА «Анёл», міліцыя і супрацоўнікі Таварыства выратавання на вадзе правяралі акваторыю ракі Свіслач непадалёк ад дома менчука - а менавіта Камсамольскае возера ў раёне Старавіленскага тракту. Праз паўгадзіны цела хлопца знайшлі ў вадзе на адлегласці 5 метраў ад берага.

Паводле папярэдняй інфармацыі, напярэдадні ён адпачываў у кампаніі, а потым сышоў. Што здарылася па дарозе і дакладную прычыну смерці будуць высвятляць спецыялісты.

«На месцы працуе следча-аператыўная група, высвятляюць абставіны здарэння», - распавялі ў сталічнай міліцыі.

Пазней у Следчым камітэце дадалі, што праводзіцца Даследчая праверка.