13 снежня 2019, Пятніца, 13:40
Засталося зусім крыху
Рубрыкі

Расею чакае дэфіцыт валюты і даляр па 70 рублёў

5
Расею чакае дэфіцыт валюты і даляр па 70 рублёў

Макраэканамічныя фактары складаюцца супраць РФ.

У другой палове года на расейскім унутраным рынку можа ўзнікнуць дэфіцыт валюты, які прывядзе да прыкметнага паслаблення рубля - да 68-70 рублёў за даляр, піша finanz.ru.

Да такой высновы прыйшлі эксперты «Цэнтра развіцця» Вышэйшай эканомікі, прааналізаваўшы статыстыку і прагнозы ЦБ у аплатным балансе.

Паводле звестак цэнтрабанка, у першым квартале Расея атрымала рэкордны чысты прыток валюты - 32 млрд даляраў прыйшло ў краіну ў выглядзе прафіцыту бягучага рахунку.

Даходы ад продажу вуглевадародаў нязначна знізіліся (з 60,3 да 59,5 млрд даляраў), але гэта было кампенсавана вяртаннем на рынак дзяржаўнай запазычанасці замежных інвестараў: яны ўклалі 5,3 млрд даляраў у АФЗ і 2,7 млрд - у еўрааблігацыі.

Акрамя таго, скараціўся імпарт (з 57,4 да 55,9 млрд даляраў) і нечакана быў зафіксаваны прыток прамых замежных інвестыцый сумаю 2 млрд даляраў.

Даляравы дождж, што прайшоўся над рынкам, дазволіў рублю ўмацавацца, нават нягледзячы на тое, што амаль 80% валютнага прыбытку эканомікі пакінула краіну ў выглядзе чыстага адтоку капіталу (25 млрд даляраў): пачаўшы год на адзнацы 70 рублёў, курс даляра да сярэдзіны красавіка ўпаў ніжэй за 64.

Але ўсе фактары, якія забяспечылі гэты дабрабыт, пачынаючы з другой паловы года пачнуць страчваць супраць рубля, папярэджваюць у ВШЭ. З другога квартала пачынаецца сезонны рост імпарту, кошты нафты могуць значна знізіцца праз заканчэнне ўгод АПЕК+, тады як паломніцтва нерэзідэнтаў у расейскія дзяржаўныя аблігацыі вычарпаныя: ЦБ у афіцыйным прагнозе чакае прытоку на 6 млрд даляраў за год, што ўжо больш за фактычнае ўкладанне.

Іншымі словамі, цэнтрабанк прагназуе паступовы вывад інвестыцый, робіць выснову вядучы эксперт «Цэнтра развіцця» Сяргей Пухаў.

Што тычыцца прытоку прамых інвестыцый, то яго забяспечыў продаж Наватэкам 10% свайго праекту «Арктык ЗПГ-2» французскай Total. Улічваючы рызыкі ўзмацнення жорсткасці заходніх санкцый, новых буйных угод чакаць не варта, адзначае Пухаў.

Чысты прыток валюты (прафіцыт плацёжнага балансу) скароціцца на 7 млрд даляраў у другім квартале і на столькі ж - у трэцім: у сярэднім, паводле ацэнкі ЦБ, рынак будзе атрымліваць толькі крыху больш за 6 млрд даляраў у месяц. З гэтай сумы ў сярэднім па 4 млрд даляраў будзе скупляць валюту Міністэрства Фінансаў для рэзерваў.

Каб баланс на рынку сышоўся, трэба рэзкае памяншэнне адтоку капіталу. ЦБ прагназуе толькі 10 млрд даляраў у пакінутыя тры кварталы, што малаверагодна, адзначае Пухаў: толькі за першы квартал выцекла 25 млрд.

У рэальнасці адток складзе 40-50 млрд даляраў, прагназуюць у ВШЭ. «У гэтым выпадку ў другім паўгоддзі нацыянальная валюта можа патаннець да 68-70 рублёў за даляр», - гаворыцца ў аглядзе.