Джо Байдэн будзе змагацца за намінацыю ў прэзідэнты ЗША

У палітыка самы высокі рэйтынг сярод дэмакратаў, якія ўжо абвясцілі аб намеры змагацца за прэзідэнцтва.

Былы віцэ-прэзыдэнт ЗША Джо Байдэн абвесціць на наступным тыдні пра вылучэнне сваёй кандыдатуры на пасаду прэзідэнта ЗША ад Дэмакратычнай партыі, паведамілі людзі ў асяроддзі былога віцэ-прэзідэнта, паведамляе Радио Свобода.

Паводле апытанняў, у 76-гадовага Байдэна самы высокі рэйтынг сярод 18 дэмакратаў, якія ўжо абвясцілі пра намер змагацца за прэзідэнцтва.

76-гадовы амерыканскі палітык ад Дэмакратычнай партыі балатаваўся раней на пасаду, але выбываў з гонкі яшчэ на ранніх стадыях сваіх кампаній. У 1988 годзе Байдэн сутыкнуўся з абвінавачваннямі ў плагіяце, а ў 2008 годзе ён адмовіўся ад далейшага ўдзелу пасля паразы на першасным галасаванні ў штаце Аёва. У тым жа 2008 годзе, аднак, Барак Абама, які стаў кандыдатам ад Дэмакратычнай партыі, выбраў Байдэна як кандыдата ў віцэ-прэзідэнты. Ён заставаўся на гэтай пасадзе два прэзідэнцкія тэрміны Барака Абамы.

Сярод якасцяў, якія вылучаюць Байдэна ў групе прэтэндэнтаў на прэзідэнцкую намінацыю Дэмакратычнай партыі - яго досвед заканадаўцы і экспэрта ў замежнай палітыцы. Байдэн упершыню быў абраны сенатарам ад штата Дэлавэр у Верхняй палаце Кангрэсу ў 1973 годзе, да таго, як яму споўнілася 30 гадоў, і з таго часу шматкроць пераабіраўся. У 2013 годзе яго старэйшаму сыну быў пастаўлены дыягназ «рак мозгу», што прымусіла Байдэна адмовіцца ад магчымага вылучэння сваёй кандыдатуры ў прэзідэнты, што адкрыла дарогу да намінацыі Хілары Клінтан. Адначасова Байдэн заклаў аснову для актыўнага палітычнага жыцця пасля Белага дома. Ён стварыў цэнтры вывучэння замежнай і ўнутранай палітыкі ў двух універсітэтах, а таксама заснаваў фонд «Байдэна» ў барацьбе з ракам.

Нечаканая перамога Трампа дала магчымасць Байдэну зноў ўключыцца ў палітычнае жыццё. Ён стаў заўзятым крытыкам адміністрацыі Трампа, асабліва ў галіне замежнай палітыкі. Байдэн актыўна агітаваў на карысць дэмакратычных кандыдатаў падчас прамежкавых выбараў у Кангрэс у 2018 годзе.

На паведамленні СМІ, штаб Байдэна бачыць дзве асноўныя перашкоды для яго прэзідэнцкай кампаніі 2020 году - эмацыйны стан былога віцэ-прэзідэнта пасля смерці яго старэйшага сына, а таксама вылучэнне новай, маладой хвалі палітычных лідараў ўнутры Дэмакратычнай партыі.

У паслужны спіс Байдэна ўваходзіць закон аб барацьбе з гвалтам у дачыненні да жанчын, забарона на аўтаматычную агнястрэльную зброю і падтрымка аднаполых шлюбаў яшчэ да таго, як Абама падтрымаў закон у Кангрэсе. У той жа час Байдэн даў сваю падтрымку на ўварванне ў Ірак у 2003 годзе, а таксама быў адным з аўтараў закона аб злачынствах, прынятага ў 1994 годзе, у выніку якога амерыканскія турмы перапоўненыя зняволенымі, пасаджанымі за дробныя злачынствы.

Сёлета супраць Байдэна былі таксама вылучаныя абвінавачванні ў непрыстойных паводзінах з жанчынамі. Паводзіны, якія некалькі жанчын палічылі недарэчнымі, Байдэн патлумачыў спробай усталяваць «чалавечы кантакт». «Я буду значна больш уважлівым. Гэта мая адказнасць, - адзначыў палітык. - Я буду больш паважліва ставіцца да асабістай прасторы іншых людзей».

Байдэн, паводле апытанняў, апярэджвае другога па папулярнасці дэмакрата, сенатара ад штата Вермонт Берні Сандэрса - у сярэднім прыкладна на 7 працэнтаў. Таксама ў тройцы лідараў сенатар ад штата Каліфорнія Камала Харыс.