Такая форма дэбатаў уласцівая ўкраінскай ментальнасці
18- ГАННА МАЛЯР
- 20.04.2019, 14:46
- 15,382
Украінцы нарэшце становяцца сабой.
Не пра кандыдатаў, а пра ўкраінскі феномен.
Я мяркую, што такая форма дэбатаў – ужывую перад вялікай колькасцю людзей – уласцівая ўкраінскай ментальнасці з'ява. Мы нарэшце становімся сабой.
Падчас дэбатаў чамусьці ўяўляла сабе часы казацтва. Так, яны таксама не вылучаліся манернасцю і арыстакратызмам, таму што ўкраінскі тэмперамент такіх рамак не вытрымлівае. Але там быў дух свабоды і барацьбы.
Не мае значэння, хто перамог ці пераможа. Вы можаце сабе такое ўявіць яшчэ гадоў 10 таму? Грамадства змяняецца – і гэта галоўнае.
Для тых, хто чакаў высокаінтэлектуальную дыскусію, скажу так: я шчыра рада, што вы ў маім асяродку, але вас блізу 2%. Тэлебачанне і кандыдаты не могуць пад вас фармаваць тэлевізійны прадукт.
Ганна Маляр, «Фэйсбук»