Польшча знайшла замену расейскай нафце
4- 20.04.2019, 17:12
- 22,934
Краіна прадаўжае скарачаць пастаўкі нафты з РФ.
Амаль палова сырой нафты, якая імпартуецца ў Польшчу кампаніяй PKN Orlen, паступае не з Расеі. Гэта з'яўляецца вынікам дыверсіфікацыі паставак сыравіны, паведамляе «Радыё Польшча».
Напрыклад, пашыраецца супрацоўніцтва з Saudi Aramco Oil Company. Заключаныя новыя кантракты на пастаўкі саудаўскай нафты на нафтаперапрацоўчыя заводы PKN Orlen, а таксама набыццё цяжкага мазуту, вырабленага Orlen Lietuva, саудаўскім партнёрам.
Гандлёвыя стасункі з саудаўскім канцэрнам PKN Orlen устанавіў у 2016 годзе шляхам падпісання першага кантракту на пастаўку сырой нафты паводле доўгатэрміновага кантракту. У красавіку 2018 года ў рамках палітыкі дыверсіфікацыі паставак кампаніі падпісалі дадатак да пагаднення, згодна з якім аб'ём паставак саудаўскай нафты павялічыўся да 300 000 тонаў сыравіны за месяц.
Дзякуючы праведзенай PKN Orlen палітыцы дыверсіфікацыі напрамкаў паставак цяпер 30% сырой нафты, што перапрацоўваецца на ўсіх НПЗ кампаніі ў Польшчы, Літве і Чэхіі, паступае не з Расеі.
У той самы час амаль 50 адсоткаў сырой нафты, якая імпартуецца ў Польшчу, пастаўляецца не з Расеі.
У цяперашні час сырая нафта з Нарвегіі, Анголы, Нігерыі і Саудаўскай Аравіі імпартуецца на нафтаперапрацоўчы завод PKN Orlen у Плоцку ў дадатак да расейскай сырой нафты.