Хуан Гуайдо абвясціў астатні этап зрынання ўлады Мадуры
4- 20.04.2019, 18:42
- 13,166
У Венесуэле доўжацца маштабныя пратэсты.
Прэзідэнт Венесуэла Хуан Гуайдо анансаваў у Twitter маштабную акцыю пратэсту, якая павінна пакласці канец уладзе Мадура, піша «Зеркало недели».
"1 траўня мы пачнём фінальную фазу Аперацыі Свабода. Час надышоў! Трэба рыхтавацца да таго, каб зрабіць апошнія высілкі і дамагчыся спынення ўзурпацыі ўлады", - заявіў Гуайдо.
"Я ўпэўнены, што мы будзем свабоднымі і заклікаю ўсю краіну быць гатовымі да наступнага этапу, - напісаў Гуайдо. - 209 гадоў таму венесуэльцы паднялі свой голас - мы таксама павінны быць моцнымі, аптымістычнымі і смелымі".
Reafirmo que seremos libres y llamo a todo el país a estar listos para la siguiente fase de la #OperaciónLibertad. Como hace 209 años los venezolanos alzaron su voz, hoy también tenemos la responsabilidad de mantenernos con fuerza, esperanza y determinación.#VamosConTodo1M pic.twitter.com/8J1ndHzui0
— Juan Guaidó (@jguaido) 19 апреля 2019 г.
Як паведамлялася, 24 сакавіка ў аэрапорце Каракаса прызямліліся два расейскія самалёты з 35 тонамі грузу і сотняй вайскоўцаў без апазнавальных знакаў. Са звестак онлайн-сэрвісаў, самалёты прыбылі ў Венесуэлу з Сірыі.
23 студзеня ў Венесуэле з новай сілай успыхнулі масавыя акцыі пратэсту супраць рэжыму Нікаласа Мадуры. За два тыдні да гэтага прайшла інаўгурацыя Мадуры на чарговы прэзідэнцкі тэрмін. На шматтысячным мітынгу ў Каракасе кіраўнік Нацыянальнай Асамблеі Хуан Гуайдо прынёс прысягу часовага прэзідэнта Венесуэлы.
ЗША першымі прызналі яго легітымным кіраўніком дзяржавы. Амаль 50 краін далучыліся да пастановы Злучаных Штатаў.
