14 кастрычнiка 2019, панядзелак, 3:00
Мы ў адной лодцы
Рубрыкі

Кур'ёзная сітуацыя ў беларускім універсітэце: Студэнтка гучна ляпнула дзвярыма

50
Кур'ёзная сітуацыя ў беларускім універсітэце: Студэнтка гучна ляпнула дзвярыма
ФОТА: TAM.BY

Цяпер яе прымушаюць рабіць рамонт.

Кур'ёзная сітуацыя адбылася ў Гомельскім дзяржаўным універсітэце імя Ф.Скарыны.

Студэнтка моцна ляпнула дзвярыма, выходзячы з кафедры. Цяпер за хвілінны выбух гневу давядзецца плаціць – кіраўніцтва ўпэўненае, што рабіць рамонт абавязаная другакурсніца.

Пра інцыдэнт паведамілі ў Telegram-канале «Отчислено». Згодна з дакладной, у мінулы аўторак «студэнтка ў памяшканні кафедры экалогіі павяла сябе груба, моцна ляпнула дзвярыма, у выніку чаго каля вушака ўтварылася расколіна і адвалілася тынкоўка».

Загадчыца кафедры адразу ж праінфармавала дзяўчыну пра рамонт, на наступны дзень нагадала чарговы раз, аднак адказ быў адзін і той: другакурсніца не мае намеру рабіць рамонт, піша gomel.today.

Кіраўніцтва не згоднае з гэтым і ўпэўненае, што «выпраўляць наступствы павінен вінаваты ў іх узнікненні, а не рамонтная служба ГДУ імя Ф.Скарыны».

Источник: gomel.today

Чым скончыцца гэтая гісторыя – невядома, але ў тэлеграм-канале ўжо актыўна дзеляцца лайфхакамі «Што рабіць, калі захацелася трохі абнавіць рамонт на кафедры, але грошай на гэта ніхто не вылучыць»: выводзіш з сябе студэнтку, яна ляпае дзвярыма, прымушаеш рабіць рамонт.