«Знаёмыя атрымліваюць $153 пенсіі. Як за іх пражыць?»

Жыццё вачыма бабруйскага пенсіянера.

Пенсіянер з Бабруйска Анатоль самотна распавёў bobruisk.ru, як яму жывецца апошнім часам, што хвалюе, радуе і засмучае:

- Радасці апошнім часам не так ужо шмат. Турбуе стан медыцыны ў нас у горадзе. У мяне тры гады моцны боль у левым сцягне, паспрабаваў усе народныя сродкі, таблеткі, нічога не дапамагае, таму гэта самае балючае пытанне для мяне. Належу да паліклінікі №4. Увесь час няма спецыялістаў: то ў адпачынку, то ў дэкрэтным, то зусім адсутнічаюць. З вузкімі спецыялістамі ва ўсім горадзе праблема. Зрабіць УГД, МРТ - праблема.

Трывожыць рост коштаў, а заробкі і пенсіі ў людзей не растуць. Мае знаёмыя, якія шмат гадоў працавалі кіроўцамі-міжнароднікамі, атрымліваюць 320 рублёў пенсіі, як за іх пражыць? Прадукты ўсё даражэюць, камунальныя паслугі значна падаражэлі. Малодшая дачка жыве ў Бабруйску, а старэйшая ў Пецярбургу - там таксама несалодка, але людзі хоць могуць зарабіць. У нас на прадпрыемствах усё сумна, праблемы ўсюды. Добрыя спецыялісты з'язджаюць у тую ж Расею.

Сачу за выбарамі ва Украіне. Я б аддаў свой голас за Уладзіміра Зяленскага, ён чалавек мастацтва, скончыў юрыдычны інстытут.

Радуе адно - мае блізкія і родныя. У нас з жонкай двое ўнукаў і праўнук. І калі родныя нас наведваюць - гэта самая вялікая радасць.