Трамп: Мне немагчыма аб'явіць імпічмент
6- 22.04.2019, 21:55
- 13,376
ФОТА: LOREN ELLIOTT/ZUMAPRESS/GLOBALLOOKPRESS.COM
Прэзідэнт ЗША заявіў, што не бачыць падстаў для запуску працэдуры імпічменту супраць яго.
Пра гэта кіраўнік Белага дома напісаў у Twitter.
«Толькі сур'ёзныя злачынствы і парушэнні могуць прывесці да імпічменту. Я злачынстваў не здзяйсняў (не было змовы, не было перашкодаў правасуддзя), таму немагчыма аб'явіць мне імпічмент», - мяркуе Трамп.
Са слоў Трампа, «гэта дэмакраты ўчынялі злачынствы, а не ваш прэзідэнт-рэспубліканец!».
Only high crimes and misdemeanors can lead to impeachment. There were no crimes by me (No Collusion, No Obstruction), so you can’t impeach. It was the Democrats that committed the crimes, not your Republican President! Tables are finally turning on the Witch Hunt!
— Donald J. Trump (@realDonaldTrump) 22 апреля 2019 г.
Раней Міністэрства юстыцыі ЗША апублікавала адрэдактаваную версію 400-старонкавага дакладу спецпракурора Роберта Мюлера пра расейскае ўмяшанне ў выбары прэзідэнта 2016 года.
Нагадаем, што спецпракурор Роберт Мюлер не знайшоў довадаў змовы паміж выбарчым штабам Дональда Трампа і расейцамі.
Мюлер разгледзеў 10 эпізодаў, звязаных з Трампам і магчымымі перашкодамі расследавання. Уільям Бар заявіў, што Мюлер не вынес «пракурорскай пастановы» па гэтай частцы справы. У Мінюсце ЗША прыйшлі да высновы, што довадаў недастаткова для выстаўлення абвінавачвання прэзідэнту.
