Раман Бяссмертны: Новаму прэзідэнту трэба як мага хутчэй сфармаваць парадак дня

Украіна пераходзіць да новага этапу ў сваёй гісторыі.

Пра гэта ў інтэрв'ю Укрінфарм заявіў экс-амбасадар Украіны ў Беларусі, кандыдат у прэзідэнты Украіны на выбарах 2019 года Раман Бяссмертны:

– Першае, што важна – пэўны этап гісторыі скончыўся. Выбралі. Цяпер хай спецыялісты аналізуюць, што і як было. У сацыяльных сетках трэба стабілізавацца, там ідзе найбольшая дыскусія. На вуліцах Кіева, у гарадах, вёсках іншая сітуацыя. І для таго, каб усё гэта стабілізавалася і ўвайшло рэчышча, – трэба сфармаваць парадак дня.

А гэта значыць вызначыць пералік пытанняў, на якія ў першую, другую, трэцюю і чацвёртую чаргу трэба адказаць, каб грамадства пайшло, каб яно паверыла. Дык вось задача тых, хто цяпер прыйдзе – сфармаваць такі парадак дня. Які ён можа быць? Або выключна станоўчы, або канфліктны.

Які з двух – не так важна. Галоўнае, каб гэты выклік дня вывеў на канструктыўную дарогу, вывеў на вынік. Сфармаваць з ініцыятывы новаабранага прэзідэнта, праз яго пасланне вызначыць гэтыя манеўры парадку дня.

І тады не будзе мець значэння гэта 25% на 73%, 80% на 20% ці 50% на 50%, бо ўсе будуць казаць: "Наш прэзідэнт. Нашы праблемы. Вось, спосаб развязання". Ці будзе гэта зроблена? Ну, усё залежыць ад дзяржаўнага мэнэджмэнту, ад ініцыятываў новых людзей, ад эліты нацыянальнай, якая здольная прапанаваць прэзідэнту, прапанаваць парламенту – цяперашняму і будучаму, абранаму восенню – сваё бачанне манеўру захавання ў мадыфікацыі курсу, кадравай і інстытуцыйнай замены і гэтак далей.

Гэта ўжо залежыць ад тых адказаў, ад тых інструментаў, якія будуць прапаноўвацца. Зрэшты нельга пакідаць сітуацыю такой, якая яна ёсць цяпер. Таму што гэтае фантанаванне мікрагейзераў і вулканаў, яно не спыніцца, калі не ўвесці праз парадак дня нацыю, грамадства, рэгіён, этнічную групу і да таго падобнае.