У штабе Зяленскага назвалі прыярытэты ў працы новага прэзідэнта

Вялікая прэс-канферэнцыя на гэтую тэму адбудзецца адразу пасля абвяшчэння афіцыйных вынікаў выбараў.

Пераможца прэзідэнцкай гонкі ва Украіне Уладзімір Зяленскі ўжо азначыў шэраг прыярытэтаў, у якіх будзе весціся праца – гэта ўкраінская мова, тарыфы, карупцыя і вайна ў Данбасе, заявіў чалец каманды Уладзіміра Зяленскага Дзмітрый Разумкоў, паведамляе ТСН.

Так, Разумкоў паказаў, што ва Украіне дзяржаўнай застанецца ўкраінская мова і прэзідэнт будзе асабіста займацца яе развіццём.

Разумкоў таксама нагадаў выбарнікам, што зніжэнне тарыфаў і змушэнне да адказнасці карумпаваных чыноўнікаў не з'яўляецца кампетэнцыяй кіраўніка дзяржавы, аднак новы прэзідэнт будзе жыва цікавіцца абгрунтаванасцю камунальных тарыфаў і ўплываць на забеспячэнне ўмоваў для якаснай працы праваахоўных органаў і судоў.

Адносна баявых дзеянняў на тэрыторыі Данбаса Разумкоў прызнаў, што "наўпрост цяпер" скончыць вайну прэзідэнт не ў стане.

Таксама чалец штаба Зяленскага паабяцаў вялікую прэс-канферэнцыю шоўмэна адразу пасля абвяшчэння афіцыйных вынікаў выбараў – менавіта там можна будзе даведацца, што думае паводле актуальных пытанняў сам пераможца выбараў.

21 красавіка ва Украіне адбыўся другі тур выбараў прэзідэнта Украіны. Паводле вынікаў апрацоўкі амаль 100% пратаколаў, за Уладзіміра Зяленскага прагаласавалі больш за 73% выбарнікаў, за Пятра Парашэнку – амаль 24,5%.

Прэзідэнт Пётр Парашэнка павіншаваў Зяленскага з перамогай, а таксама паабяцаў не сыходзіць з палітыкі і нацыянальных інтарэсаў Украіны і дасягненняў ягонай каманды за пяць гадоў прэзідэнцкага тэрміну.

Услед за дзейным прэзідэнтам Зяленскага павіншаваў прэм'ер-міністр Уладзімір Гройсман. Ён таксама падзякаваў Парашэнку за дасягненні на пасадзе кіраўніка дзяржавы.

Зяленскага таксама павіншавалі прэзідэнт Польшчы Анджэй Дуда, прэзідэнт Францыі Эманюэль Макрон, фэдэральная канцлерка Нямеччыны Ангела Меркель і прэзідэнт ЗША Дональд Трамп. У сваю чаргу, у амбасадзе ЗША выказалі надзею, што Зяленскі прадоўжыць у стасунках з Вашынгтонам курс, абраны ягоным папярэднікам Пятром Парашэнкам.

Генеральны сакратар NATO Енс Столтэнберг заявіў, што спадзяецца на прадаўжэнне супрацоўніцтва Украіны і Альянсу пры прэзідэнту Зяленскім. Прэзідэнт Еўрапейскай Рады Дональд Туск нагадаў лідару прэзідэнцкай гонкі пра неабходнасць прадаўжаць рэформы і барацьбу з карупцыяй.