Хто біў, краў, ваяваў

Расце колькасць пакрыўджаных «уладаравых слугаў».

У чаргу за байцамі АМАПу, якія круцілі «балотку», але былі кінутыя з кватэрамі родным кіраўніцтвам, падцягнулася пярэстая калона настаўнікаў. З той самай слаўнай Саратаўскай вобласці, дзе ў 2016 годзе кралі галасы на выбарах тонамі, малявалі аднолькавыя да дзясятых вынікі на выбарчых участках, піша Telegram-канал «СерпомПО».

Што не так? Высвятляецца, заробак у іх 17 тысячаў, а іх гоняць, нібы паднявольную жывёлу, крочыць у «несмяротным палку». Бацюхны родныя, гэта ж свята – дзяцей няма з кім дома пакінуць!

І, нарэшце, на дзень нараджэння Ілліча, падышла стройная калона новых скаржнікаў – ваенных маракоў. Яны судзяцца з роднымі ўладамі за выплаты. Маўляў, мы ў Сірыю на караблях хадзілі, ваявалі, а нам не даплацілі. У судах ім сказалі «ад вінта», дасціпна патлумачыўшы, што іхнія баявыя караблі – гэта тэрыторыя Расеі, а значыць, у Сірыі яны і не былі, а знаходзіліся заўсёды на Радзіме.

Што вам сказаць, зняважаныя і абражаныя?

Вы атрымалі тое, што заслужылі. Справядліва. Круцілі «балотку»? Дапамагалі красці галасы або маўчалі пра іхнія крадзяжы? Галасавалі за Пуціна на флоце?

Цяпер не жальцеся. Не стагніце.

Асабліва дзіўныя паводзіны ваенных маракоў. Хутка 20 гадоў, як дзівімся. Пасля словаў «яна патанула», Пуцін ніколі, ні пры якіх абставінах не павінен быў атрымаць на флоце ніводнага голасу. ВМФ павінен быў стаць на выбарах самай апазіцыйнай структурай у дачыненні да Пуціна. Вы ёю сталі? Вы як галасавалі ўсе гэтыя гады? Вашыя сем'і?

І вось гэтыя тры групы: адслужылы сваё АМАП, саратаўскія настаўнікі і людзі ў бесказырках – стаяць і пераступаюць з нагі на нагу на парозе свята ўсенароднага яднання вакол Перамогі 9 траўня. Не спяшайцеся разыходзіцца, можа, да вас яшчэ хто падыдзе з ліку пакрыўджаных уладаравых слуг. Да таго ж купна стаяць вельмі зручна, каб усіх вас надарыць «георгіеўскімі стужкамі». За верную службу кіраўніцтву нашай вялікай Радзімы.