Анджэй Пачобут: Гісторыі з Курапатамі ды Казюкамі - звёны аднаго ланцуга
- 24.04.2019, 13:42
- 9,261
Чым беларускім уладам не дагадзіў кірмаш у Дзень Святога Казіміра?
23 красавіка ў Гародні адбыўся суд над старшынёй Саюза палякаў у Беларусі Анжэлікай Борыс. Кіраўніцу непрызнанага беларускімі ўладамі аб'яднання абвінавацілі ў арганізацыі кірмашу ў Дзень Святога Казіміра. Ад адказнасці Анжэліку Борыс вызвалілі, але не апраўдалі.
Журналіст і прадстаўнік Саюза палякаў у Беларусі Анджэй Пачобут пракаментаваў сайту Charter97.org чарговую спробу ціску на польскую дыяспару ў Беларусі.
- Гэтыя падзеі трэба разглядаць у кантэксце таго, што адбываецца ў Беларусі. Гісторыя з Курапатамі, калі былі апаганеныя крыжы, а цяпер свята Святога Казіміра. Я ўсё гэта ўспрымаю ў адным кантэксце, гэта звёны аднаго ланцуга. Беларуска-польскія стасункі - вечная тэма. У беларускай палітыцы ёсць пэўная цыклічнасць. Цяпер пачаўся час зачысткі і ўзмацнення рэпрэсій, - мяркуе Анджэй Пачобут.