Фотафакт: Міліцыянт напісаў рапарт са словамі пра Лукашэнку ў CІЗА
32- 24.04.2019, 17:54
- 69,824
Нечаканы вынік «прафілактычнай размовы» з блогерам Алесем Круткіным.
Многія супрацоўнікі міліцыі, калі затрымліваюць грамадскіх актывістаў, часта цікавяцца: «як доўга вы будзеце ваду каламуціць і лодку разгойдваць?», - паведамляе Telegram-канал «Баста!».
Годны адказ даў нядаўна арыштаваны ў Полацку блогер Алесь Круткін: «Пакуль у турме замест мяне не будзе сядзець Лукашэнка». Коратка і ясна. Начальнік РАУС нават рапарт з гэтай нагоды склаў. Толькі чамусьці не ўнёс у яго словы: «Гэта будзе ўжо хутка». Баіцца начальства хваляваць.