На мяжы з Літвой гарыць лес: пункт пропуску «Прывалка» закрылі
2- 24.04.2019, 18:44
- 12,703
З 16.00 праз лясны пажар прыпыненае афармленне ў пункце пропуску «Прывалка» ў абодвух напрамках.
Пра гэта паведамілі ў Дзяржаўным памежным камітэце Беларусі.
У ведамстве распавялі, што ў сувязі з узгараннем лесу ў раёне населенага пункта Крынічнае Гарадзенскага раёна перакрылі трасу Р42 Горадня - Гожа - мяжа Літоўскай Рэспублікі.
Як паведамляе «Блог Гродна s13», моцны лясны пажар пачаўся а 14.30 у раёне прыгараднай вёскі Гожа. Паводле інфармацыі відавочцаў, праз моцны вецер полымя хутка распаўсюджваецца.
На 16.30, у ліквідацыі пажару задзейнічаны больш за 100 ратавальнікаў, спецыялісты лясгаса, памежныя вайскоўцы, міліцыя. На месцы працуюць больш за дзесяць адзінак пажарнай тэхнікі. Вядзецца пастаянны маніторынг становішча.