Як міліцыя збіраецца зарабляць на касцёле мільёны рублёў штогод
24- 25.04.2019, 11:10
- 24,363
За паломніцтва і рэлігійныя працэсіі давядзецца плаціць?
Нядаўна выйшла пастанова Савета Міністраў №49, піша блогер Арцём Ткачук у "Фэйсбуку". Згодна з ёй кошт паслуг супрацоўнікаў міліцыі, якія ахоўваюць масавыя мерапрыемствы цяпер такія:
да 10 чалавек - 50 рублёў
10-100 - 637 рублёў
101-1000 - 3825 рублёў
1000 і больш - 6375 рублёў
Давайце цяпер палічым. У Беларусі на сёння момант 450 парафій. Калі хаця б у палове з іх адбываецца працэсія ў гонар свята Божага Цела, якая вельмі рэдка дзе збірае менш за 100 чалавек, то толькі за ўсю працэсію касцёл павінен заплаціць больш за 350 тысяч даляраў.
Лічым:
200 прыходаў х 3825 руб = 765 тысяч рублёў.
Возьмем пілігрымкі ў Будслаў. Іх дзясяткі. Калі ўлады пачнуць з кожнай браць па 3825 руб за дзень, то, напрыклад, за пілігрымку з Ліды ў Будслаў (9 дзён) трэба заплаціць больш за 34 тысячы рублёў. А ўжо колькі трэба заплаціць за 15-дзённую пілігрымка з Берасця ў Будслаў я маўчу.
Беларускія біскупы спрабуюць дамовіцца з уладамі, каб гэтыя аплаты не выкарыстоўваліся да царкоўных масавых мерапрыемствам. Але нават калі ўдасца, усе мы ведаем, што такія рэчы так проста не даюцца. Карацей, чакаем скарбонкі ў парафіях Беларусі з надпісам "На аплату паслуг міліцыі".