Пецярбуржскія сувораўцы паказалі Пуціну робатаў, а тыя, як выявілася, зробленыя ў Паўднёвай Карэі
66- 25.04.2019, 11:26
- 45,080
«Вынаходствы» сувораўцаў - канструктары з eBay і Amazon.
23 красавіка Уладзімір Пуцін наведаў Санкт-Пецярбуржскую Сувораўскую вайсковую вучэльню. Курсанты паказалі вярхоўнаму гетману свае поспехі ў галіне робататэхнікі - невялікіх робатаў, якія выконваюць каманды «адціснуцца» і «стаць на галаву». Карыстальнікі сацсетак высветлілі, што напраўду гэта паўднёвакарэйскія канструктары Robotis Biolid, якія прадаюцца на eBay і Amazon коштам ад тысячы даляраў, піша znak.com.
«Распрацоўкі ў сферы штучнага інтэлекту»
Пра тое, як праходзіў візіт прэзідэнта РФ у Сувораўскую вучэльню, можна даведацца з рэпартажаў ТАСС і РІА «Нововсти». У матэрыялах гаворыцца, што Пуцін наведаў цэнтр дадатковай адукацыі навучальнай установы, які абсталяваны майстэрнямі з авія- і суднамадэляваннем і робататэхнікай. Выхаванцы паказалі прэзідэнту мадэлі самалётаў часоў Вялікай Айчыннай вайны і марскіх суднаў.
Сувораўцы таксама прадэманстравалі Пуціну прататып робата-мінёра, які можа ўсталёўваць міны на пясчаным грунце. «Адзін з курсантаў пазнаёміў кіраўніка дзяржавы з распрацоўкамі вучылішча ў сферы штучнага інтэлекту, сабраныя робаты невялікага памеру былі надзелены тэхналогіяй распазнавання голасу. Курсант скамандаваў робатам прыняць упор лежачы, адціснуцца тры разы і пастаяць на галаве. Робаты выканалі яго каманды. «Шчыра дзякуй! Малайцы!»- не хаваў свайго захаплення прэзідэнт», - гаворыцца ў рэпартажы ТАСС. З гэтых слоў можа скласціся ўражанне, што гаворка менавіта пра ўласную расейскую распрацоўку.
Российские военные роботы показали разминку перед Путиным pic.twitter.com/YkdRVzQkXZ
— Кремлевский пул РИА (@Kremlinpool_RIA) 23 апреля 2019 г.
Дэманстрацыю робатаў, якія ўмеюць адціскацца і станавіцца на галаву, можна паглядзець на відэа РІА «Новости», якое названае «Расейскія вайсковыя робаты паказалі размінку перад Пуціным». У матэрыяле выдання падкрэсліваецца, што суворавец паказаў Пуціну «сваё вынаходніцтва» і робат «амаль бездакорна» выканаў яго каманды.
Робаты «Мade in S.Korea»
Робаты, як выявілася, паўднёвакарэйскі канструктар Robotis Biolid. На гэта звярнуў увагу карыстальнік Twitter эканаміст Сяргей Гур'янаў. Паводле ягоных слоў, гэтыя робаты ўжо сем гадоў прадаюцца на eBay у скрынках з надпісам «Made in S.Korea».
На YouTube можна без цяжкасцяў знайсці відэа прэзентацыі гэтых робатаў, якія выконваюць тыя ж каманды, якія дэманстраваліся ў Сувораўскай вучэльні Уладзіміру Пуціну. На eBay яны прадаюцца за $1100, на Amazon - за $1 199 90. У апісанні гаворыцца, што робаты-канструктары маюць «выдатную гуманоідную хаду», а таксама абсталёўваюцца рознымі датчыкамі, уключаючы гіраскоп, датчык вымярэння адлегласці, ВК-датчык. Вырабам можна кіраваць дыстанцыйна з пульта або голасам. У каментарах на Amazon пакупнікі кажуць пра «выдатныя якасці» канструктара Robotis Biolid.
В Питере воспитанники Суворовского училища показали Путину свои разработки в области робототехники. Роботы суворовцев уже лет 7 продаются на eBay по цене от $1.000 в коробках с надписью Made in S.Korea. Видео 2013 года: https://t.co/8akiPkoXNe
— Гурьянов Сергей (@Segozavr) 24 апреля 2019 г.
У адміністрацыі Санкт-Пецярбуржскай Сувораўскай вучэльні журналістам не ўдалося аператыўна атрымаць каментар пра паказаных Пуціну робатаў. Наша рэдакцыя накіравала ў вучэльню афіцыйны запыт.
На сайце навучальнай установы гаворыцца, што «сувораўцы дасягнулі значных поспехаў у распрацоўцы сучасных праектаў і прадстаўлялі іх на конкурсах, спаборніцтвах і выставах розных узроўняў: ад раённых да міжнародных». Работы выхаванцаў з секцыі робататэхнікі сталі пераможцамі і прызёрамі міжнароднага фестывалю ў робататэхніцы «Робафініст», чэмпіянату Еўропы ў робататэхніцы RobotChallenge, Усеармейскага конкурсу сярод выхаванцаў агульнаадукацыйных арганізацый Мінабароны Расеі.
Зрэшты, паўднёвакарэйскія робаты выкарыстоўваюцца для навучання студэнтаў не толькі ў Расеі. Як сказана ў «Вікіпедыі», набор Robotis Biolid таксама выкарыстоўваецца ў Вайсковай марской акадэміі ЗША для навучання студэнтаў машынабудаванню.
«Робат Алёша»
Нагадаем, у канцы 2018 гадоў у Яраслаўлі на Усерасейскім форуме прафесійнай арыентацыі «праектарах» школьнікам і педагогам прадставілі «самага сучаснага айчыннага робата «Алёшу», які ўмее танчыць і лічыць». Сюжэт на гэтую тэму выйшаў у эфіры тэлеканала «Расея 24».
Карыстальнікі сацыяльных сетак высветлілі, што напраўду гэта роставая лялька. Пасля таго як робата выкрылі СМІ, тэлеканал «Расея 24» заблакаваў свой рэпартаж на YouTube-канале. У красавіку гэтага года «робата Алёшу» зноў паказалі шырокай публіцы падчас матчу чэмпіянату Расеі паміж ЦСКА і «Арэнбургам».
