Леанід Судаленка: У рэгіёнах народ стаіць у чарзе па вакансію нават на $150

Сёння ў Беларусі людзі вымушаныя працаваць за ежу і гэта яшчэ не мяжа.

Пра гэта сайту Charter97.org заявіў вядомы прававы інспектар працы незалежнага прафзвязу радыёэлектроннай прамысловасці (РЭП) Гомельскай вобласці Леанід Судаленка ў каментары інфармацыі аб тым, што ў гарадскім пасёлку Брагіне заробкі ў людзей па 200-300 рублёў.

- А дзе ж абяцаныя Лукашэнкам «па пяцьсот»?

- Сёння па «пяцьсот» у беларускага ўраду атрымалася хіба толькі ў сталіцы альбо побач з ёй. Усё астатняе - гэта маляваная статыстыка, якая не адлюстроўвае рэальнага стану рэчаў.

Калі, напрыклад, ад'язджаць ад Менска на 100 кіламетраў у рэгіёны, то пачынаецца іншае, рэальнае жыццё. У малых гарадах і райцэнтрах тысячу рублёў, думаю, налічваюць толькі ў райвыканкамах, міліцыі і, магчыма, падатковай інспекцыі. Адным словам, высокім чыноўнікам.

Просты народ тут працуе ці стаіць у чарзе па вакансіі нават на 300 рублёў (150 даляраў). Іншага не дадзена. Дакладней, дадзена, але не кожны гатовы значна памяняць свой уклад жыцця, кінуць сям'ю, напрыклад, наседжанае месца і з'ехаць на заробкі ў іншыя краіны.

Я памятаю часы, калі ў «тлустыя» для беларускай эканомікі гады нам з самай высокай трыбуны абяцалі нават не пяцьсот, а тысячу! У часы ўрада Сідорскага расейская нафта дасягала на сусветных рынках пікавых коштаў. Тады з «панскага стала» даставалася і нам. Вось тады і трэба было рэфармаваць эканоміку! Але для гэтага кроку патрэбна палітычная воля, якой у нашых кіраўнікоў няма.

Я з жахам днямі глядзеў БТ, дзе ў праграме абмеркавання паслання Лукашэнкі нейкая высокапастаўленая чыноўніца ад прафсаюзаў разважала на тэму прыходу ў нашу краіну інвестараў. Слухайце, на вуліцы 21-е стагоддзе, а гэтая кабетка сярэдніх гадоў заяўляе: «Ну, прыйдуць да нас тоўстыя партманэты, забяруць усе грошы з заводаў і з'едуць!» Яна ў сваім розуме, якія грошы ў банкрута?

Калі дарогу ў светлую будучыню нам будуць паказваць людзі з такім светапоглядам, тады па «пяцьсот» беларусы атрымаюць гадоў так праз 15-20, калі сыдзе сённяшняе пакаленне чыноўнікаў.

Паўтараюся, няма і не было ніякага беларускага цуду, краіна жыла за кошт усходняй суседкі. Як толькі тая пачала паказваць характар, выявілася, мы не ў стане жыць без вонкавых запазычанняў. Апісаная эканамічная сітуацыя ў Брагіне паўсюдная, дастаткова, як я казаў, ад'ехаць ад сталіцы ў глыбінку.

Без рэфармавання ўсёй эканомікі, без стварэння новых працоўных месцаў з годным заробкам, без прыцягнення ў краіну інвестараў наш жыццёвы ўзровень будзе імкліва зніжацца. Сёння ў рэгіёнах людзі вымушаныя працаваць за ежу і гэта яшчэ не мяжа.

Нам нічога не трэба выдумляць, нам дастаткова прыгледзецца да досведу нашых суседзяў. Я б тут у прыклад паставіў Польшчу, якая, як і мы пачынала ў 90-х мінулага стагоддзя з пустых паліц у крамах. Сёння там ніхто нікому нічога не абяцае, але зарабіць тысячу еўраў не праблема. Сёння эканамічная міграцыя беларусаў толькі ў Польшчу налічвае амаль 300 тысяч чалавек. Думаю, гэтая лічба будзе павялічвацца з кожным днём суразмерна падзенню жыццёвага ўзроўню ў Беларусі.

Хіба не разумеюць гэтай сітуацыі нашы чыноўнікі? Выдатна разумеюць. Але, як казаў Ленін, яны будуць хацець датуль, пакуль нізы будуць маўчаць!

Калі вам спадабаўся артыкул, вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL 97 1160 2202 0000 0002 1671 1123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com