Макрон прадставіў пакет рэформаў у адказ на патрабаванні «жоўтых камізэлек»

Прэзідэнт Францыі пайшоў на саступкі пратэстантам.

Прэзідэнт Францыі Эмануэль Макрон у чацвер прадставіў доўгачаканы адказ на амаль паўгадавыя вулічныя пратэсты «жоўтых камізэлек».

Пра гэта паведамляе «Европейская правда» са спасылкай на AP.

Макрон выклаў першыя канкрэтныя меры, якія будуць прынятыя ў адказ на хваляванні, выказаныя падчас больш за 10 тысяч дэбатаў, якія адбыліся па ўсёй краіне, а таксама амаль двух мільёнаў прапаноў, зробленых у Інтэрнэце.

Макрон кажа, што Францыя «значна» скароціць падатак на прыбытак. Прэзідэнт хоча «скараціць падаткі для максімальнай колькасці грамадзян і асабліва тых, хто працуе, сярэдняга класа».

Ён сказаў, што разглядае пытанне аб фінансаванні гэтых мер шляхам скарачэння дзяржаўных выдаткаў.

Пры гэтым лідар французаў не ўдакладніў пазіцыю аб тым, што трэба прымусіць людзей працаваць даўжэй, перш чым выходзіць на пенсію.

Таксама прэзідэнт хоча паменшыць колькасць дэпутатаў у парламенце і змяніць сістэму выбараў у парламент, каб яна лепш адлюстроўвала разнастайнасць палітычных партый Францыі.

«Мы можам палепшыць парламент і зрабіць яго больш эфектыўным», - сказаў ён.

Макрон кажа, што хоча, каб частка месцаў у ніжняй палаце парламента, Нацыянальным сходзе, запаўнялася праз прапарцыйную сістэму.

З ягоных слоў, ён таксама плануе спрасціць грамадзянам працэдуру ініцыявання нацыянальных рэферэндумаў.

Рух «жоўтых камізэлек», які ўзнік у выніку павышэння падатку на паліва ў лістападзе, перарос у больш шырокае супрацьстаянне палітыцы Макрона, якую дэманстранты лічаць карыснай для багатых і буйных прадпрыемстваў.