Грэцкі Boeing без дазволу прыляцеў у Кішынёў і быў затрыманы

Самалёт запрасіў дазвол на палёт і пасадку, але не атрымаў яго і ўсё роўна вырашыў прыляцець у Кішынёў.

Boeing 737, які належыць грэцкай авіякампаніі BlueBird Airways, быў затрыманы ў аэрапорце Кішынёва. Самалёт незаконна ўвайшоў у паветраную прастору Малдовы, не атрымаў дазволу органа грамадзянскай авіяцыі (ОГА) краіны. Пра гэта паведаміла ТАСС прэс-сакратарка Памежнай паліцыі Малдовы Раіса Навіцкі.

«Судна затрыманае. На месцы працуюць супрацоўнікі памежнай паліцыі, пракуратуры і органа грамадзянскай авіяцыі. Лётчыкаў дапытваюць», - распавяла яна, удакладніўшы, што на борце самалёта былі прынамсі два чалавекі.

Кіраўнік Памежнай паліцыі Фрэдалін Лекары паведаміў парталу малдаўскаму выданню Publika, што падобныя сітуацыі прадугледжаны ў законах, якімі Малдова мае намер кіравацца ў гэтай сітуацыі. «Я не магу паведаміць шмат дэталяў, бо нашы спецыялісты і прадстаўнікі іншых устаноў працуюць на месцы здарэння», - дадаў ён.

Паводле звестак крыніц Publika, на борце Boeing быў экіпаж, які складаецца з двух пілотаў ірландскага паходжання, а таксама тры пасажыры - два грэкі і адзін амерыканец.

«Уся «каманда» вылецела з Бухарэста на тэст-драйв. Прычына ў тым, што амерыканскі бізнесовец, які знаходзіцца на борце, плануе купіць самалёт у прадаўца, які таксама знаходзіцца на борце самалёта», - сцвярджае выданне.

Паводле інфармацыі Publika, самалёт запрасіў у Малдовы дазвол здзейсніць палёт над паветранай прасторай краіны і зрабіць пасадку ў аэрапорце Кішынёва, аднак ім было адмоўлена праз адсутнасць неабходных для гэтага дакументаў. Лётчыкі вырашылі правесці палёт. СМІ ўдакладняе, што самалёт пасля затрымання быў правераны, на борце не было выяўлена ніякіх забароненых прадметаў.

Мясцовае заканадаўства за парушэнне правілаў палётаў у паветранай прасторы Малдовы і перасячэнне гэтай прасторы без адпаведнага дазволу ўстанаўлівае штраф сумаю $1800-3200 або пакаранне ў выглядзе пазбаўлення волі на тэрмін да 2 гадоў.