Палова расейцаў не здолела патлумачыць сэнс святкавання Вялікадня
11- 26.04.2019, 11:10
- 12,593
6% расейцаў сказалі, што ў гэты дзень святкуецца нараджэнне Ісуса Хрыста.
Толькі палова апытаных расейцаў, са звестак УЦВГМа, змагла правільна адказаць на пытанне аб тым, што менавіта святкуюць у Вялікдзень, паведамляе РБК.
Не змаглі даць адказ 32% рэспандэнтаў. Яшчэ 6% сказалі, што ў гэты дзень святкуецца нараджэнне Ісуса Хрыста. Няслушна часцей адказвалі рэспандэнты-нявернікі (33%).
Большасць апытаных (77%) пры гэтым змагла правільна назваць, калі адзначаюць Вялікдзень у гэтым годзе. Пра тое, што свята будзе 28 красавіка, часцей паведамлялі жанчыны (87%), паджылыя людзі (85%) і жыхары вёсак (80%). Няправільна адказалі 8% апытаных.