Меню на Вялікдзень 2019: не банальныя рэцэпты салатаў
- 26.04.2019, 13:42
- 14,909
Салаты на Вялікдзень - абавязковы складнік меню на святочны стол.
Ужо ў нядзелю, 28 красавіка, хрысціяне ўсходняга абраду будуць адзначаць Вялікдзень - самае вялікае і радаснае свята ў царкоўным календары, паведамляе «Новое время».
Паска і пафарбаваныя яйкі - галоўнае ўпрыгожванне Велікоднага стала. Іх дапаўняюць шматлікія далікатэсы - усё, у чым вернікі адмаўлялі сабе ў перыяд Вялікага посту. У Велікодным меню дакладна ёсць самае рознае мяса, рыба, сыры, каўбасы, вяндліна. Але што ўсё ж прыгатаваць на Вялікдзень, каб не пакутаваць ад пераядання і пры гэтым смачна паесці?
Салаты на Вялікдзень - абавязковы складнік меню на святочны стол. Таму што прыйшла вясна, хочацца свежасці і лёгкасці. НВ Style прпаноўвае тры цікавыя рэцэпты салатаў ад фуд-экспэртаў, якія смела можна прыгатаваць на Вялікдзень. Яны дакладна ўнясуць разнастайнасць у вашы смакавыя перавагі і зоймуць месца ў хатняй паваранай кнізе.
Салата з рукалай, мангольдам, цытрусавымі і тварагом
Рэцэпт ад Асмік Гаспаран, пераможцы шостага сезона МайстарШэф Украіна
Інгрэдыенты:
рукала - 40 гр
мангольд - 40 гр
тварог зярністы - 100 гр
«Філе» апельсіна - 18 дзелек
«Філе» лайму - 10 дзелек
семкі сланечніку смажаныя - 50 гр
алівы - 50 гр
крэветкі - на жаданне
Для падліўкі:
соевы соус - 5 ст. л
аліўкавы алей - 3 ст л
гарчыца дыжонская - 1 ч. л.
сок апельсіна - 2 ст. л.
молатая каляндра - 1 ч. л.
Як рабіць?
Змяшаць рукалу, мангольд і тварог, дадаць вычышчаныя ад лупіны і плёнкі дзелькі апельсіну і лайму і змяшаць. Затым дадаць семкі, крэветкі адварныя і вычышчаныя, а таксама алівы без костачкі. Прыгатаваць соус з усіх неабходных інгрэдыентаў і паліць ім атрыманую салату.
Цёплая салата з грыбамі, кукурузай і казіным сырам
Рэцэпт ад амерыканскага шэф-кухара Дэвіда Пастэрнэка
Інгрэдыенты:
рукала - 50 гр
аліўкавы алей - 5-7 ст. л
галінкі размарыну - 2 шт.
грэцкія арэхі - 1/4 кубка
смажаныя грыбы лісічкі - 1/2 кубка
сметанковае масла - 3 ст. л.
казіны сыр - колькасць на жаданне
соль
молаты чорны перац
Нагрэць у патэльні на слабым агні аліўкавы алей і размарын, затым астудзіць, працадзіць і выкінуць галінкі размарыну. У вялікай патэльні разагрэць дзве сталовыя лыжкі алею размарыну, злёгку раздушыць грэцкія арэхі ў руцэ і дадаць іх разам са смажанымі грыбамі. Абсмажыць цягам 1 хвіліны, дадаць кукурузу, змяшаць і пасыпаць цёртым казіным сырам. Заправіць соллю і перцам, і зняць патэльню з агню. Змяшаць з лісцем рукалы ў місцы для салаты, пасыпаць пакінутым цёртым казіным сырам і злёгку паліць алеем размарыну.
Салата з крабавымі палачкамі па-новаму
Рэцэпт ад пераможцы пятага сезону кулінарнага шоў МайстарШэф Украіна на канале СТБ Яўгена Клапаценкі
Інгрэдыенты:
філе хека - 200 г
вяршкі - 30 г
брынза - 30 г
бялок яечны - 1 шт
памідор - 1 шт
цыбуля крымская – 0,25 шт
кукуруза кансерваваная – 1,50 ст. л.
бурачны сок (свежы) - па смаку
раслінны алей - па смаку
зеляніна пятрушкі - па смаку
мікс перцаў - па смаку
соль - па смаку
Як рабіць?
Філе хека наразаем буйнымі кавалачкамі, дадаём вяршкі. Бялкі ўзбіваем у пышную пену. Злучаем узбітыя бялкі з рыбай, узбіваем усё на блэндары да аднастайнай кансістэнцыі, солім па смаку.
Заварочваем рыбную масу ў два пласты харчовай плёнкі, добра завязваем. Адварваем рыбную «каўбаску» ў кіпячай вадзе 10 хвілін. Змешваем у місцы нарэзаныя лустачкамі памідоры, сечаную зеляніну, кукурузу, здробненую цыбулю. Дадаём брынзу. Апырскваем сокам лайма/цытрыны.
Звараную рыбную «каўбаску» падфарбоўваем бурачным сокам і дадаём у салату (крышым яе на дробныя кавалачкі). Запраўляем салату раслінным алеем і змешваем.