Беларусы з фурамі «санкцыйных» трускалак патлумачылі ўезд у Расею паломкай навігатара
14- 26.04.2019, 14:08
- 15,814
Кіроўцы везлі тавар у Расею без дакументаў.
У дзвюх машынах мытнікі знайшлі 34 тоны трускалак з Грэцыі і Польшчы. Паперы ў іх былі - але толькі на перавозку грузу з Менска ў Віцебск. Калі іх спыталі, што яны робяць у Пскоўскай вобласці, яны сказалі, што іх аўтамабільны навігатар зламаўся, піша gazeta.spb.ru.
У іншым аўтамабілі замест прамысловых тавараў паводле дакументаў, выявіліся забароненыя да ўвозу яблыкі.
Яшчэ тры машыны спрабавалі перасекчы мяжу ўначы - у іх у кузаве памежнікі знайшлі звыш 58 тон яблыкаў з Польшчы.
Усю садавіну мытнікі забралі і знішчылі.