Што адбываецца ў школе, дзе гатовыя прыняць эвакуяваных з шматпавярховіка людзей

Месца для часовага знаходжання жыхароў дома арганізавалі ў сярэдняй школе №178.

У Менску з шматпавярхоўкі на вуліцы Шырокай эвакуявалі людзей. Па маналітнай калоне ў другім пад'ездзе пайшлі расколіны. Часовае знаходжанне жыхароў дома арганізавалі ў сярэдняй школе №178. Tut.by паглядзеў, што там адбываецца.

Адміністрацыя школы №178 (адрас - вуліца Усходняя, 68) распавяла, што тут гатовы прыняць 380 жыхароў дома. Там арганізаваныя спальныя месцы для малых і дарослых: частка - у спартзале, частка - у класе падоўжанага дня.

Таксама ў школе ёсць пакой маці і дзіцяці - там ёсць месцы для адпачынку, дзяжураць медыкі.

Пакуль у школе людзей няшмат: там усяго два мясцовыя жыхары. Гэта маці і сын, які нядаўна перанёс аперацыю. Падлетак адпачывае.

У сталовай арганізаванае харчаванне для людзей, стаіць мікрахвалеўка. У школе дзяжураць адміністрацыя навучальнай установы, настаўнікі, педагогі і псіхолагі.

Як растлумачыў кіраўнік Савецкага раёна Юрый Трушчанка, людзей папрасілі пакінуць кватэры, каб зняць лішнюю нагрузку з апор.

- У доме 144 кватэры, пражывае блізу 380 чалавек. Адсяленне трэба было для таго, каб разгрузіць дом. Столькі людзей па вазе - гэта блізу 30 тон.

- Нам сказалі ўзяць пашпарты і выйсці ўсім на вуліцу. Дом ачапілі, нікога ўнутр не пускаюць. На фасадзе бачныя расколіны, - распавядаў Аляксандр, жыхар дома.

У Менгарвыканкаме сітуацыю ў шматпавярхоўцы на Шырокай пракаментавалі так:

«26 красавіка 2019 года ў жылым доме №3 па вуліцы Шырокай будуць праводзіцца працы па ўзмацненні маналітнай калоны другога пад'езду. З мэтай забеспячэння бяспекі жыхароў дома і дадатковых мер засцярогі на час рамонтных работ будуць арганізаваны мерапрыемствы па вываду людзей. Рамонтныя работы працягнуцца ад 4 да 6 гадзін. Арыентыровачны час заканчэння - 20.00».