Беларусы Нью-Ёрку выйшлі на мітынг перад штаб-кватэрай ААН
9- 26.04.2019, 22:56
- 16,938
Мітынг быў прысвечаны 33-й гадавіне Чарнобыльскай катастрофы.
26 красавіка 2019 года, перад будынкам штаб-кватэры Аб'яднаных Нацыяў на Манхэтане ў Нью-Ёрку прайшоў мітынг, прысвечаны 33-й гадавіне Чарнобыльскай катастрофы.
Пра гэта паведаміў на сваёй старонцы ў Facebook актывіст Вадзім Васільеў.
Мітынг праводзіўся ў знак салідарнасці і падтрымкі беларусаў, якія пацярпелі ад Чарнобыльскай аварыі і дагэтуль вымушаныя сутыкацца з яе наступствамі.
«Гэта таксама быў пратэст супраць той абыякавасці, якую праяўляюць улады ў Беларусі, замоўчваючы сапраўдную сітуацыю ў забруджаных раёнах», - адзначыў актывіст.