Аўтамабіліст са Слоніма: Адкуль мы возьмем грошы на бензін з еўрапейскімі коштамі?

За чатыры месяцы паліва ўжо падаражэла 10 разоў.

У велікодныя выхадныя ў Беларусі 10-м разам за год змяніліся раздробныя кошты аўтамабільнага паліва.

Сайт Charter97.org папрасіў пракаментаваць рост коштаў паліва аўтамабіліста, прадстаўніка Беларускага Нацыянальнага Кангрэсу ў Слоніме Віктара Марчыка:

- Адразу скажу, што людзі ставяцца негатыўна да штотыднёвага падаражання паліва. Мне здаецца, толькі тое, што паліва даражэе ўсяго на 1 капейку, адцягвае момант, калі беларусы, якія маюць аўто, абвесцяць новую акцыю «Стоп-бензін».

Упэўнены, калі б улады ўзнялі кошты больш значна, то ўжо атрымалі б у адказ усебеларускую акцыю пратэсту. Ужо цяпер нарастае абурэнне. Мы, аўтамабілісты, разумеем, што ўжо да канца года кошт паліва ў нас зраўняецца з еўрапейскім, але ў людзей жа заробкі далёка не еўрапейскія! Ды і кошты ў крамах значна вышэйшыя, чым у ЕЗ.

Хоць кошты бензіну ўжо падымаюцца па-хітраму, паступова, але агульная сума выходзіць важкай. Думаю, што ўлады ўсё ж атрымалі ўрокі з акцый «Стоп- бензін» і зразумелі, што калі падымуць кошты больш значна, то атрымаюць яшчэ больш маштабную акцыю.

Адзначу, людзі глядзяць у будучыню з трывогай. Што будзе далей, не зразумела... Аўтамабілямі карыстаюцца шматлікія: ездзяць на працу і з працы, на закупы і гэтак далей. Адкуль людзі возьмуць грошы на бензін еўрапейскімі коштамі?

Пакуль людзі яшчэ церпяць, але калі кошты пачнуць кусацца, то людзі маўчаць не будуць і адрэагуюць. Да канца года мы можам чакаць масавыя пратэсты.

Раней у інтэрв'ю сайту Charter97.org эканаміст Леў Марголін заявіў, што бензін у Беларусі падаражэе як мінімум на траціну.

Калі вам спадабаўся артыкул, вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL 97 1160 2202 0000 0002 1671 1123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com