На памежным пераходзе «Новая Гута» ледзь не адбыўся выбух газу
- 6.04.2019, 10:43
- 9,218
Пропуск транспартных сродкаў і людзей праз мяжу быў спынены.
У прэс-службе МНС Беларусі праінфармавалі, што напярэдадні вечарам, 5 красавіка 2019 года, на памежным пераходзе «Новая Гута» ратавальнікі прадухілілі выбух газу.
Паведамленне пра тое, што на памежным пераходзе «Новая Гута» з цыстэрны паўпрычэпа грузавога аўтамабіля МАН адбылася выцечка газу «прапан-бутан», выратавальнікі атрымалі ў пятніцу ў 19:06. Супрацоўнікі памежнай службы спынілі пропуск транспартных сродкаў і людзей праз мяжу.
Прыбылыя на месца супрацоўнікі МНС ліквідавалі наступствы. Праца пункта пропуску была адноўленая ў 20:29.