Дзмітрый Калдун атрымаў у вока за выкананне песні «Караблі» ў караоке

На спевака напалі ў адным з беларускіх райцэнтраў.

Бойкай скончылася спроба беларускага выканаўцы Дзімы Калдуна праспяваць сваю песню «Караблі» у караоке ў адным з райцэнтраў Беларусі. Пра гэта ён распавёў на сваёй старонцы ў Instagram, паведамляе карэспандэнт агенцтва «Мінск-Навіны».

На фота ў сацсетках артыст пазуе з падбітым вокам і сцёртымі косткамі пальцаў.

- Гастролі па Беларусі ў самым разгары. Учора паспрабаваў праспяваць «Караблі» ў караоке ў правінцыйным гарадку. Дзякуй удзячным слухачам, - падпісаў фота спявак.

Фаны ўзяліся жартаваць на гэтую тэму, мяркуючы, што Калдун дрэнна праспяваў, абраў не тую песню. «Дарма ты караблі вядома спяваў...», «ёсць шмат іншых менш агрэсіўных песень» - такія каментары пакінулі падпісчыкі пад фота. Таксама яны цікавіліся і прычынай канфлікту:

- Рука не падымаецца паставіць падабайку за такое жорсткае абыходжанне з улюбным артыстам. А вось у каго рука паднялася на ўлюбёнага артыста? - напісаў адзін з прыхільнікаў Калдуна.

Як паведамляў сайт Charter97.org, Дзмітрый Калдун выступаў перад баевікамі «ДНР».