У Наваполацку ліса ледзь не зайшла ў гандлёвы цэнтр
8- 8.04.2019, 18:05
- 18,448
Практычна па самым цэнтры Наваполацка ў выходныя разгульвала ліса.
Яе гараджане ўбачылі на вуліцы Маладзёжнай, каля гандлёвага цэнтра «Стралецкі Капітал», паведамляе паблік «Полацк і Наваполацк». Пра гэта піша tut.by.
Відавочцы паведамляюць, што ліса нават ледзь было не зайшла ў гандлёвы цэнтр.
Затым жывёла бегала ў ваколіцах «Стралецкага Капіталу», яшчэ аднаго гандлёвага цэнтра - «Капітал-2», а таксама завода «Вымяральнік».
Гэта не першае з'яўленне дзікіх жывёл у рэгіёне апошнім часам. 5 сакавіка па трасе ў Наваполацку хадзілі ласі: яны накіроўваліся ў бок завода «Палімір». Летась кабан выбег на праезную частку ў Полацку прама пад колы аўтамабіля і ледзь не справакаваў ДТЗ, а ў навакольныя вёскі прыйшоў мядзведзь і напалохаў мясцовага жыхара.