21 траўня 2019, aўторак, 21:18
За нашу і вашу свабоду!
Рубрыкі

Сакрэт даўгалецця раскрыты: навукоўцы назвалі галоўныя фактары

12

Існуе цэлы шэраг фактараў, якія ўплываюць на магчымасць дажыць да глыбокай старасці.

Навукоўцы высветлілі, што генетыка займае далёка не першае месца сярод фактараў, якія ўплываюць на даўгалецце. Даследаванні паказалі, што гены могуць паказаць на магчымасць дасягнення даўгалецця чалавекам толькі ў 10% выпадкаў. У астатнім жа існуе цэлы шэраг фактараў, якія ўплываюць на магчымасць дажыць да глыбокай старасці, піша lenta.ua.

Спецыялісты заявілі, што шмат у чым на працягласць жыцця чалавека ўплывае ягонае харчаванне. Людзі з высокім узроўнем даходу могуць дазволіць сабе набыццё якасных прадуктаў і аплату якасных медыцынскіх паслуг. Таму сярод багатых нярэдка сустракаюцца доўгажыхары.

Адным з важных фактараў прызнаная актыўнасць: разумовая і фізічная. Пры сярэдніх фізічных нагрузках умацоўваецца імунітэт, а таксама запавольваюцца працэсы старэння ў арганізме. Разумовая дзейнасць спрыяе паляпшэнню кагнітыўных функцый мозгу і трымае яго ў тонусе.

Цікавым фактам з'яўляецца тое, што паводле даследавання, працягласць жыцця павялічваецца пры наяўнасці каханага чалавека. Сямейныя людзі жывуць даўжэй, чым адзінокія праз тое, што яны радзей адчуваюць стрэс.

Навукоўцы дадалі, што аптымісты жывуць даўжэй за песімістаў, бо першыя радзей сутыкаюцца з дэпрэсіяй, якая можа стаць прычынай пагаршэння хранічных хвароб.