Сіноптыкі: Заўтра будзе да +15°С

Прагноз надвор'я на некалькі найбліжэйшых дзён.

9 красавіка надвор'е Беларусі будзе вызначаць вобласць паніжанага атмасфернага ціску, удзень на паўднёвым усходзе краіны адаб'ецца ўплыў франтальнага падзелу. Чакаецца воблачна з прасвятленнямі. Уначы і раніцай месцамі, удзень на паўднёвым усходзе кароткачасовыя дажджы. Уначы і раніцай у асобных раёнах слабы туман, паведамляе Гідрамет.

Вецер няўстойлівы слабы да сярэдняга. Тэмпература паветра мінімальная ўначы +2..+8°С, пры прасвятленнях блізу 0°С; максімальная ў сярэдзіне дня +9..+15°С, на паўднёвым усходзе +16 +18°С. Атмасферны ціск істотна не зменіцца.

10-11 красавіка ў асноўным адаб'ецца ўплыў скандынаўскага антыцыклону, сфармаванага ў прахалоднай паветранай масе паўночных шыротаў, 10 красавіка на паўднёвым усходзе рэспублікі адаб'ецца ўплыў маларухомага франтальнага раздзелу.

10 красавіка пераважна без ападкаў, толькі на паўднёвым усходзе рэспублікі кароткачасовыя дажджы. Уначы і раніцай у асобных раёнах слабы туман. Вецер паўночна-заходні, паўночны сярэдні. Тэмпература паветра мінімальная ўначы -5 ..+2°С, максімальная ўдзень +6..+13°С; на паўднёвым усходзе краіны ўначы +3..+8°С, удзень +14..+15°С.

11 красавіка без істотных ападкаў. Уначы і раніцай у асобных раёнах слабы туман. Вецер паўночнай чвэрці сярэдні. Тэмпература паветра мінімальная ўначы -2..+5°С, пры прасвятленнях да -5°С; максімальная ўдзень +6..+13°С, на паўднёвым усходзе +14..+15°С.