Эмоцыі пасля 70 гадоў уплываюць на працягласць жыцця
1- 10.05.2019, 18:14
- 10,981
У некаторых выпадках злосць можа быць карысная, аднак гэты эфект мае ўзроставыя абмежаванні.
Навукоўцы з універсітэта Канкорд у Канадзе звязалі ўплыў эмоцый з працягласцю жыцця пажылых людзей.
Даследчыкі назіралі за жыццём двух сотняў пажылых грамадзян Манрэаля, чый век складаў ад 59 да 93 гадоў, а таксама збіралі пробы крыві і праводзілі апытанні пра тое, як часта яны ўпадалі ў дэпрэсію, піша «Вокруг света».
У выніку навукоўцы прыйшлі да высновы, што часта злосныя пажылыя людзі больш за іншых пакутуюць ад запаленняў і хранічных хвароб і ў сярэднім жывуць менш.
Мяркуецца, што негатыўныя эмоцыі могуць матываваць людзей, што толькі зазналі сталыя гады жыцця, і прымушаць іх весці больш актыўнае жыццё. Гэта ўмацоўвае працу цягліц і сэрца і робіць пажылых людзей менш схільнымі да інфарктаў і інсультаў.
Аднак актыўнасць становіцца менш верагоднай на восьмым ці дзявятым дзясятку гадоў. У выніку гэтага злосць прыносіць толькі павышаны ўзровень стрэсу, што негатыўна адбіваецца на здароўі.