Трамп параіў Кітаю заключыць гандлёвую ўгоду з амерыканцамі да выбараў прэзідэнта ЗША
- 12.05.2019, 18:10
- 8,254
Прэзідэнт ЗША заявіў, што збіраецца выйграць на выбарах, пасля чаго ўмовы гандлёвай угоды для Кітая стануць нашмат горшымі.
Кітай чакае выбараў прэзідэнта ЗША ў 2020 годзе ў надзеі дамовіцца пра гандлёвае пагадненне з новай адміністрацыяй. Такое меркаванне выказаў прэзідэнт ЗША Дональд Трамп у Facebook, паведамляе gordonua.com.
«Я думаю, што Кітай адчуў, што на нядаўніх перамовах іх так моцна пабілі, што яны могуць пачакаць да наступных выбараў, каб даведацца, ці пашанцуе ім і ці здабудзе перамогу дэмакрат», - напісаў ён.
На думку прэзідэнта ЗША, у гэтым выпадку ўмовы гандлёвых адносін ЗША і Кітая не зменяцца і амерыканцы будуць страчваць $500 млрд у год.
«Адзіная праблема складаецца ў тым, што яны ведаюць, што я збіраюся выйграць (лепшыя паказчыкі эканомікі і занятасці ў гісторыі ЗША і многае іншае), і ўгода стане для іх значна горшай, калі яна будзе складзеная падчас майго другога тэрміну. Было б разумна, каб яны дзейнічалі цяпер, калі не хочуць атрымаць вялікія мыты», - заявіў Трамп.