Спявачка ZENA прадставіла кліп на песню, з якой выступіць на «Еўравізіі»
4- 12.05.2019, 21:25
- 15,716
Беларусь будзе выступаць у першым паўфінале конкурсу, які адбудзецца 14 траўня.
Спявачка ZENA, якая сёлета прадставіць Беларусь на спеўным конкурсе «Еўравізіі», прадставіла кліп на песню Like it. Менавіта з гэтай кампазіцыяй спявачка выйдзе на сцэну Expo Tel Aviv, паведамляе euroradio.fm.
Беларусь будзе выступаць у першым паўфінале конкурсу, які адбудзецца 14 траўня. Сюды ж трапілі прадстаўнікі Кіпра, Чарнагорыі, Фінляндыі, Польшчы, Славеніі, Чэхіі, Вугоршчыны, Сербіі, Бельгіі, Грузіі, Аўстраліі, Ісландыі, Эстоніі, Партугаліі, Грэцыі, Сан-Марына.
Другі паўфінал адбудзецца 16 траўня, а фінал конкурсу - у ноч з 18 на 19 траўня.