У другі тур выбараў прэзідэнта Літвы выходзяць Інгрыда Шыманітэ і Гітанас Наўседа
5- 13.05.2019, 7:34
- 13,186
ФОТА: AP
Кандыдатаў падзялілі сотыя долі адсотка галасоў.
Былая міністарка фінансаў Інгрыда Шыманітэ і літоўскі эканаміст Гітанас Наўседа праходзяць у другі тур выбараў прэзідэнта Літвы. Як паведаміла Галоўная выбарчая камісія раніцай панядзелка, 13 траўня, разрыў паміж двума пераможцамі першага тура склаў некалькі сотых адсотка. Паводле папярэдніх вынікаў, экс-міністарка атрымала 30,95 адсотка галасоў, а за былога дарадцу прэзідэнта літоўскага SEB банка прагаласавалі 30,94 адсотка выбарцаў, паведамляе dw.com.
Дзейны прэм'ер-міністр Саўлюс Скверняліс набраў 19,85 адсотка галасоў. Кіраўнік урада прызнаў сваю паразу і заявіў, што 12 ліпеня сыдзе ў адстаўку.
"Никто не вредит россиянам так, как сами власти РФ". Сегодня в Литве проходят выборы президента, и вот что говорят о будущем отношений с Россией три фаворита президентской гонки pic.twitter.com/Ak8GfmgtjO
— DW на русском (@dw_russian) 12 мая 2019 г.
Прыход на першым туры выбараў склаў крыху больш за 55 адсоткаў. Адначасова з прэзідэнцкімі выбарамі ў Літве прайшлі два рэферэндумы - аб падвойным грамадзянстве і скарачэнні колькасці парламентарыяў.
Другі тур выбараў - 26 траўня
За пасаду прэзідэнта Літоўскай Рэспублікі змагаліся дзевяць кандыдатаў. Для абрання прэзідэнтам у першым туры патрабавалася набраць больш за палову галасоў ад агульнай колькасці выбарцаў. Другі тур прэзідэнцкіх выбараў у Літве адбудзецца 26 траўня.
Прэзідэнт Літвы абіраецца на 5 гадоў і не больш чым на два тэрміны запар. З траўня 2009 года гэтую пасаду займае Даля Грыбаўскайтэ.
