У ЗША жанчына нечакана разбагацела дзякуючы печыву

Яна сцвярджае, што выйграла, купіўшы печыва з прадказаннем.

Амерыканка па імі Фонда Сміт-Дэвіс з горада Саміт Лі ў штаце Місуры выйграла вялікую суму грошай у латарэю дзякуючы выпадковасці, паведамляе UPI, піша «Сегодня».

Жанчына сцвярджае, што выйграла, купіўшы печыва з прадказаннем. Яна зайшла перакусіць з сынам у кавярню. Там яе пачаставалі гэтым ласункам. «Звычайна я не гуляю ў латарэю, аднак пасланне ў печыве абвяшчала: «Згуляй і пераможаш», - распавядае Фонда. - Тады я падумала: «Чаму б і не?»

Амерыканка вывучыла сайт латарэі і наважыла паўдзельнічаць у чатырох розыгрышах. У выніку білет Gold Rush, які Сміт-Дэвіс набыла за пяць даляраў, прынёс ёй выйгрыш на 50 тысяч даляраў. «Мой сын так гучна вішчаў», - дадала жанчына.

Сміт-Дэвіс плануе выдаткаваць грашовы прыз на першапачатковы ўнёсак за дом.