ЗША падазраюць Іран у нападзе на танкеры ў ААЭ

Іран адмаўляе сваё дачыненне.

У Агенцтве нацыянальнай бяспекі ЗША мяркуюць, што за дыверсіяй супраць камерцыйных суднаў у водах Аб'яднаных Арабскіх Эміратаў могуць стаяць сілы, якія сімпатызуюць або працуюць на Іран. Пра гэта паведамілі крыніцы, знаёмыя з вынікамі расследавання, піша РБК-Украіна са спасылкай на Reuters.

У той жа час у ЗША мяркуюць, што да тэракту не датычныя непасрэдна іранскія вайскоўцы.

Са звестак суразмоўцы агенцтва, дыверсію супраць чатырох суднаў маглі здзейсніць ваенізаваныя атрады еменскага руху «Ансар Алах» (хусіты), а таксама шыіцкія фармаванні, якія падтрымліваюцца Іранам, і базуюцца ў Іраку.

Пры гэтым ён адзначыў, што ў Вашынгтона няма цвёрдых довадаў іх датычнасці да нападу.

Іран жа адпрэчвае гэтыя падазрэнні, міністр замежных спраў Ірана Мухамед Джавад Зарыф заявіў, што «экстрэмісты» ва ўрадзе ЗША праводзяць небяспечную палітыку «славеснай вайны».

Нагадаем, Савудаўская Арабія паведаміла ў панядзелак, 13 траўня, што два яе нафтавыя танкеры зазналі дыверсійную атаку ля ўзбярэжжа Аб'яднаных Арабскіх Эміратаў.

14 траўня беспілотнікі нанеслі ўдары па двух нафтаперапампавальных станцыях на трубаправодзе «Усход-Захад», па якім савудаўская нафта дастаўляецца з усходняй правінцыі ў порт Янбу.