Пампэа распавёў пра супярэчнасці на перамовах з Пуціным у Сочы
3- 15.05.2019, 9:59
- 15,531
ЗША і Расея маюць розныя погляды што да Украіны.
Масква і Вашынгтон маюць розныя погляды што да Украіны, заявіў дзяржсакратар ЗША Майк Пампэа пасля сустрэчы з прэзідэнтам РФ Уладзімірам Пуціным, паведамляе nv.ua.
"Ёсць моманты, дзе мы маем вельмі розныя падыходы. Вы згадалі пра Украіну. Мы маем розныя погляды на тое, у якім кірунку Украіна рухаецца", - сказаў ён.
Пампэа дадаў, што гаворка ідзе пра спробы знайсці развязанні, кампрамісы, месцы, дзе ёсць узаемная цікавасць, каб можна было дамагчыся прагрэсу ў самых складаных пытаннях.
"Але кожны з нас вельмі выразна разумеў на што мы гатовыя пайсці, і рэчы, якія мы не былі гатовыя рабіць, і мы будзем далей працаваць над кожнай з іх", - рэзюмаваў ён.
14 траўня дзяржсакратар Майк Пампэа здзейсніў афіцыйны візіт у Сочы, дзе правёў перамовы з міністрам замежных спраў Расеі Сяргеем Лаўровым і прэзідэнтам Уладзімірам Пуціным. На парадку дня - абмеркаванне "ўсяго спектра двухбаковых і шматбаковых праблем".