У Польшчы прынялі 59-ю пастаўку звадкаванага газу

Польшча ўзмацняе сваю энэргетычную бяспеку.

У газавы тэрмінал у Свінавуйсці паступіла чарговая 59 пастаўка звадкаванага газу, - паведаміў «Радыё Польшчы» прэзідэнт акцыянернага таварыства Polskie LNG Павел Якубоўскі падчас XI Еўрапейскага эканамічнага кангрэса ў Катавіцах.

Гэты газ для Польскага нафтавага і газавага канцэрна паступіў з Катара.

Павел Якубоўскі падкрэсліў, што тэрмінал у Свінавуйсці - гэта польскае «акно ў свет», «звязны з глабальным рынкам звадкаванага газу».

«Звадкаваны газ Польшчы патрэбны ў кантэксце бяспекі паставак, гнуткасці ў выбары вытворцаў і метадаў выкарыстання», - падкрэсліў прэзідэнт акцыянернага таварыства Polskie LNG.

Тэмы, звязаныя з энэргетыкай і энэргетычнай бяспекай Польшчы - адны з вядучых на XI Еўрапейскім эканамічным кангрэсе ў Катавіцы.