Вольга Нікалайчык: Пакуль мы не скінем Лукашэнку, ён не адчэпіцца ад народнага мемарыялу

Будаўніцтва выставачнага цэнтра ў Курапатах трэба спыніць на пачатковым этапе.

14 траўня Лукашэнка даручыў пабудаваць да 2021 года Нацыянальны выставачны цэнтр на пляцоўцы каля гандлёвага цэнтра «Экспабел», якая мяжуе з Курапатамі.

Сітуацыю вакол народнага мемарыяла сайту Charter97.org пракаментавала грамадская актывістка і рэжысёрка, удзельніца акцый для абароны Курапатаў Вольга Нікалайчык:

- Лукашэнка канчаткова стаў у адзін шэраг з тымі, хто расстрэльваў у Курапатах.

Гэта было абсалютна чакана. Шмат гадоў вяліся размовы пра тое, што проста каля дарогі смерці будзе пабудаваны выставачны комплекс.

Паперы рыхтаваліся ўжо даўно. Ад Лукашэнкі нічога іншага пасля знішчэння крыжоў і не даводзіцца чакаць. Я даўно казала пра тое, што ён будзе забудоўваць Курапаты. Там вельмі дарагая зямля, і гэта робіць забудову выгаднай для рэжыму.

Пасля знікнення Захаранкі, Ганчара, Красоўскага і Завадскага, пасля загадкавай смерці Генадзя Карпенкі, Лукашэнку ўжо нішто не спыніць. Ён канчаткова стаў у адзін шэраг з тымі, хто расстрэльваў людзей ў Курапатах.

Калі Лукашэнку не спыніць, ён да канца пойдзе па шляху знішчэння Курапатаў.

На жаль, мы не змаглі падняць грамадства на барацьбу з уладай пасля знішчэння крыжоў у Курапатах. Усё ж, трэба было выходзіць на пікеты ў цэнтры Менска, садзіцца на асфальт, перацінаць з крыжамі ў руках праспект Незалежнасці, спыняць транспарт.

Лукашэнка залез у самае сэрца народнай святыні, на Галгофу, сваімі бруднымі НКВД-ніцкімі кіпцюрамі. Патаптаўся брудным ботам у сэрцы важнай для нацыянальнай памяці мясціны. І пакуль мы не скасуем ягоную ўладу, ён не адстане ад народнага мемарыялу. З гэтых «абдымкаў» НКВД 21-га стагоддзя мы вырвемся толькі памяняўшы ўладу.

Мала шанцаў на тое, што без палітычных перамен можна будзе спыніць гэтую новую будоўлю ў Курапатах, але, тым не менш, трэба прыкласці ўсе намаганні, каб гэта нават не пачалося. Калі выставачны цэнтр пабудуюць, то мы ўжо не зможам яго дэмантаваць. Таму трэба не дапусціць самага пачатку будоўлі і пратрымацца, пакуль мы не выганім гэтую ўладу з Беларусі.

Калі вам спадабаўся артыкул, вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL 97 1160 2202 0000 0002 1671 1123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com