29 сакавiка 2024, Пятніца, 15:09
Падтрымайце
сайт
Сім сім,
Хартыя 97!
Рубрыкі

Улады Кітая заблакавалі «Вікіпедыю»

10
Улады Кітая заблакавалі «Вікіпедыю»

Да гэтага ў КНР дзейнічала забарона на кітайскую версію сусветнай энцыклапедыі.

Кітай цалкам забараніў інтэрнэт-энцыклапедыю Wikipedia, заблакаваўшы доступ на сайт на ўсіх мовах, паведамляе liga.net.

Забарона дзейнічае з канца красавіка.

Раней у краіне была заблакаваная кітайская версія энцыклапедыі. Карыстальнікі таксама не маглі праглядаць старонкі з некаторымі пошукавымі тэрмінамі, як "Далай-лама" і "разня на Цяньаньмэнь".

Фонд "Вікімедыя" заявіў, што ён не атрымаў ніякага апавяшчэння пра цэнзуру.

Інтэрнэт-энцыклапедыя трапіла ў пашыраны спіс вэб-сайтаў, да якіх няма доступу ў Кітаі. Google, Facebook і LinkedIn ужо забароненыя ў КНР. Каб атрымаць да іх доступ, карыстальнікі выкарыстоўваюць віртуальныя прыватныя сеткі або VPN для абыходу цэнзуры.

У рэйтынгу Сусветнага індэкса свабоды прэсы "Рэпарцёраў без межаў" за 2019 год Кітай заняў 177 месца з 180 прааналізаваных краінаў.

Напісаць каментар 10

Таксама сачыце за акаўнтамі Charter97.org у сацыяльных сетках