Аляксандр Няўзораў: З'явілася яшчэ адная лінія разлому, па якой пойдзе раскол Расеі

Што больш за ўсё абурыла ў Екацярынбургу?

Аляксандр Няўзораў пракаментаваў падзеі ў Екацярынбургу, дзе 13 траўня пачаўся стыхійны пратэст супраць знішчэння сквера дзеля пабудовы храма.

- 13 траўня, натуральна, увойдзе ў гісторыю Расеі як пачатак канца праваслаўя, - разважае публіцыст у эфіры «Эхо Москвы». - І зноў жа смешна і знамянальна, што другой сур'ёзнай лініяй разлому пасля Дня Перамогі стала «скрепа» пад назвай РПЦ, пад назвай праваслаўе. Вось менавіта на яго, на праваслаўе Крэмль рабіў стаўку як на аб'яднанне, але яно адыграла і адыграе, магчыма, сур'ёзную ролю яшчэ адной лініі разлому, па якой пойдзе раскол Расеі.

Што мяне абурыла ў Екацярынбургу? Мяне абурае, што папы робяць за мяне маю працу і робяць яе лепш, чым я. Яны цалкам пазбаўляюць краіну ад усялякіх ілюзій на свой рахунак. Яны чамусьці раптам з нейкай хвіліны перасталі хаваць, што ім усялякім коштам патрэбная нерухомасць, гандлёвыя пункты, і што дзеля гэтага яны пойдуць на ўсё. Яны будуць саджаць людзей, збіваць рукамі АМАПаў, душыць газам, саджаць...

І самі папы будуць хавацца за спіны, бо яны наважылі цвёрда: культавы будынак пасадзіць на самае смачнае месца Екацярынбурга. І гэта чыста камерцыйны праект, гэта бізнэс, гэта гандлёвы пункт, найперш. І вось на касцях, на паламаных лёсах, на збітых, пасаджаных, атручаных газ людзях гэтыя касцюмаваныя гандляры невуцтвам вельмі будуць нядрэнна нажывацца менавіта за кошт таго, што гэта будзе выключна моцна, перш за ўсё, з пункту гледжання лакацыі. Пры гэтым яны будуць спасылацца на нейкія туманныя і абсалютна недаказальныя сацыялагічныя апытанні, якія былі зробленыя ў найбольш камфортным для іх рэжыме...