«За мільёны даляраў нам вешаюць на вушы локшыну!»

Гомельскі блогер выступіў з эмацыйнай прамовай пра дзяржаўныя СМІ, відавочна, у яго накіпела.

Гомельскага блогера Арцёма Шапарава і ягоны канал «Грамадства Гомель» ведаюць у абласным цэнтры, напэўна, амаль усе карыстальнікі сеціва, піша сайт gomel.today.

Ягоная дзейнасць выклікае павагу - за прынцыповасць, паслядоўнасць і сумленнасць у пытаннях праблем горада і звычайных яго жыхароў.

На днях Арцём выпусціў новы ролік, які сабраў ужо больш за 52 тысяч праглядаў. На здзіўленне, гэтым разам блогер выступіў не ў звыклым амплуа народнага заступніка. У новым відэа з экрана да гледача звяртаецца чалавек, у якога самога набалела. Ён кажа аб несправядлівасці, хлусні і дзяржаўнай манаполіі на інфармацыю, якая ўстанавілася ў Беларусі за апошняе дзесяцігоддзе. Гаворка атрымалася эмацыйнай.

Глядзіце ролік.