Менск па-ранейшаму намагае на кампенсацыі за падатковы манеўр у РФ

Пра гэта заявіў намеснік міністра фінансаў Беларусі.

Беларусь працягвае намагаць на кампенсацыі страт за рэалізацыю падатковага манеўру ў нафтавай сферы ў РФ, паведамляе interfax.by.

«Так», - заявіў намеснік міністра фінансаў Беларусі Андрэй Бялковец журналістам, адказваючы на пытанне, ці працягвае Менск намагаць на кампенсацыі за падатковы манеўр.

Са слоў Бялкоўца, тэма кампенсацыі за падатковы манеўр увесь час паднімаецца на розных узроўнях.

«Проста вынікаў, якія я магу агучыць, пакуль няма. (...). Гэта пытанне, па якім няма пакуль ніякіх пэўных пастаноў, дамоўленасцей», рэзюмаваў ён.

З 2019 года Беларусь імпартуе нафту з РФ на новых умовах, з улікам падаражэння праз падатковы манеўр. У выніку манеўру кошт бязмытных паставак нафты ў Беларусь будзе штогод узрастаць прапарцыйна памяншэнню расейскай экспартнай мыты нафты. Паводле ацэнцы Менска, у сувязі з гэтым дадатковыя выдаткі за 2019-2024 гады складуць парадку $10,5 млрд, у тым ліку блізу $400 млн у 2019 годзе.

Раней беларускія ўлады ініцыявалі перамовы з кіраўніцтвам РФ аб магчымай кампенсацыі выдаткаў, аднак урад Расеі заявіў пра немэтазгоднасць выдавання Беларусі кампенсацый у сувязі са зменай сваёй унутранай падатковай палітыкі.