Вакарчук распавёў, хто фінансуе яго партыю «Голас»

Парламенцкія выбары ва Украіне павінны адбыцца восенню 2019 года.

Новаствораную партыю «Голас» фінансуюць прадстаўнікі малога і сярэдняга бізнэсу, распавёў 16 траўня лідар гурту «Акіян Эльзы» Святаслаў Вакарчук у каментары руху «Сумленна», апублікаваным у Facebook, паведамляе gordonua.com.

«Мы не бяром ні капейкі у алігархаў і не будзем з імі ніколі ні пра што гаварыць. Усё сваё жыццё, калі я займаўся музыкай, я зарабляў грошы тым, што вялікая колькасць звычайных украінцаў давалі нам праз квіткі свае грошы. Большая частка грошай, якія мы зараз збіраем, паступае ад малога, сярэдняга бізнэсу, ад звычайных людзей, якія хочуць нам дапамагчы. Мы ўпэўненыя, што з іх дапамогай мы сумленна збяром усе грошы», - заявіў ён.

Музыка таксама расказаў, што чакае прыняцця выбарчай рэформы і галасавання па адкрытых спісах на маючых адбыцца парламенцкіх выбарах.

«Мажарытарка - гэта мінулае, старая палітыка, якая павінна адысці. І мы вельмі чакаем, што новыя парламенцкія выбары, калі наша краіна прагаласавала за змены, адбудуцца паводле новай выбарчай сістэме - сістэме адкрытых выбарчых спісаў», - адзначыў Вакарчук.

Ён не адмаўляў магчымасці ўдзелу ў парламенцкіх выбарах па старой сістэме.

«Партыя будзе рабіць усё, каб уплываць на ўкраінскую ўладу максімальна», - сказаў музыка, адказваючы на пытанне аб тым, ці будзе яго палітсіла балатавацца ў мажарытарныя акругі.

У студзені 2019 года Вакарчук заявіў, што расчараваны цяперашнім станам украінскай палітыкі і хоча прывесці туды як мага больш новых асоб. «Я ў справе. Вы даведаецеся больш найбліжэйшым часам», - адзначыў Вакарчук. Спявак дадаў, што «ўлада як такая яго не хвалюе».

У лютым Вакарчук паведаміў, што збірае сваю каманду. Музыка не выключаў, што яна можа ўзяць удзел у парламенцкіх выбарах.

16 траўня ён прэзентаваў сваю партыю.

Парламенцкія выбары ва Украіне павінны адбыцца восенню 2019 года.