29 сакавiка 2024, Пятніца, 2:56
Падтрымайце
сайт
Сім сім,
Хартыя 97!
Рубрыкі

ЗША пашырылі санкцыі паводле закона Магніцкага

ЗША пашырылі санкцыі паводле закона Магніцкага

Пра гэта паведаміла міністэрства фінансаў ЗША.

Упраўленне кантролю за замежнымі інвестыцыямі (OFAC) Мінфіна ЗША ўключыла ў санкцыйны спіс спецатрад Расгвардыі «Церак» і пяць чалавек. Гэта былы афіцэр чачэнскага батальёна «Поўнач» Руслан Герамееў, Генадзь Карлаў, Сяргей Касіеў, Алена Трыкуля і Абузайд Вісмурадаў, паведамляе forbes.ru.

Усе яны ўключаныя ў SDN-ліст (Specially Designated Nationals List) - гэта спіс асоб асаблівых катэгорый, у дачыненні да якіх прымяняецца блакаванне актываў у ЗША, адмова ў візе і іншыя санкцыі, за якія адказвае OFAC.

Руслан Герамееў - пляменнік дэпутата Дзярждумы РФ Адама Дэлімханава і сенатара Сулеймана Герамеева, пісала «Новая газета». Родны брат Адама Дэлімханава Алібэк, паводле звестак «Коммерсанта», - камандзір грозненскага батальёна «Поўнач», дзе служылі Руслан Герамееў і Заур Дадаеў, якога ў 2017 годзе суд прысудзіў да 20 гадоў строгага рэжыму за забойства палітыка Барыса Нямцова. Заказчыкам і арганізатарам забойства Следчы камітэт называў Руслана Мухудзінава - кіроўцу Герамеева. Мухудзінаў быў аб'яўлены ў вышук. Родныя Нямцова настойвалі на допыце самага Герамеева па гэтай справе, але вызначыць яго месцазнаходжанне следству таксама не ўдалося. Кіраўнік Чачні Рамзан Кадыраў магчымае дачыненне Герамеева да забойства аспрэчваў. «Герамееў - адзін з самых найлепшых воінаў, якія абаранялі нашу дзяржаву, Расею», - заяўляў ён.

САХР «Церак» - адно з адмысловых ваенізаваных падраздзяленняў Федэральнай службы нацыянальнай гвардыі ў Чачні. Трапіў пад санкцыі Абузайд Вісмурадаў - яго камандзір, але фактычна ён «нязменны начальнік аховы Кадырава», пісала летась Расейская служба Би-Би-Си, адзначаючы, што Вісмурадаў з'яўляецца побач з кіраўніком Чачні амаль на кожнай сустрэчы і мерапрыемстве. «Гэта чалавек сціплы, адважны і пры гэтым вельмі сумленны і добры, сталёвы воін, якому кіраўнік Чачэнскай рэспублікі давярае бязмерна», - казаў міністр друку Чачні Джамбулат Умараў. Кадыраў, віншуючы Вісмурадава з днём нараджэння ў сацсетках, адзначаў: «Мы з дзяцінства выраслі разам, з'яўляемся блізкімі сябрамі са школьнай лавы».

Сам Кадыраў знаходзіцца пад санкцыямі паводле закона Магніцкага з 2017 года.

Таксама сачыце за акаўнтамі Charter97.org у сацыяльных сетках