Ва Украіне фракцыя «Народны фронт» выйшла з кааліцыі
4- 17.05.2019, 10:20
- 9,605
Новая кааліцыя ў Вярхоўнай Радзе павінна быць сфармаваная цягам 30 дзён.
Лідар украінскай парламенцкай фракцыі “Народны фронт” Максім Бурбак абвясціў 17 траўня ў Вярхоўнай Радзе Украіны аб выхадзе ягонай фракцыі з кааліцыі, паведамляе карэспандэнт "Гордан".
"Мы заяўляем аб выхадзе з кааліцыі, спыненнi яе існавання з 17 траўня 2019 года і аб ініцыятыве фармавання новай кааліцыі з новай парадкам дня. Згодна з Канстытуцыяй, цягам 30 дзён будзе фармавацца новая кааліцыя", - заявіў Бурбак.
"Новыя абставіны патрабуюць максімальнай кансалідацыі дзяржаўных сіл у парламенце. Новы прэзідэнт, новы парадак дня, новая кааліцыя. Фракцыя "Народнага фронту" заяўляе - кааліцыя, якая была сфармаваная ў 2014 годзе і дзейнічала да сённяшняга дня выканала свае задачы. За 5 гадоў гэты парламент, два склады ўрада і украінская ўлада агулам правялі рэформаў больш, чым за папярэднія два дзесяцігоддзі. Але гэта ўжо гісторыя. Мы заяўляем аб выхадзе з дзейнай кааліцыі", - заявіў Бурбак.