Каламойскі заявіў, што вярнуўся ва Украіну на пяць гадоў
- 17.05.2019, 20:27
- 10,402
Украінскі алігарх адзначыў, што прыехаў у краіну па сямейных абставінах.
Украінскі алігарх Ігар Каламойскі заявіў, што вярнуўся ва Украіну на пяць гадоў.
Пра гэта ён заявіў у інтэрв'ю журналісту праграмы «Схемы».
«Я наважыў найбліжэйшыя пяць гадоў пражыць ва Украіне», - сказаў ён падчас бліц-інтэрв'ю ў рэстарацыі Сatch у цэнтры Кіева.
Са слоў Каламойскага, яго вяртанне ва Украіну ніяк не звязана з прэзідэнцтва Уладзіміра Зяленскага. Ён адзначыў, што можа сустрэцца з новым прэзідэнтам, калі «запросяць».
«Я прыехаў сюды і планую тут знаходзіцца ў сувязі з сямейнымі абставінамі. У мяне сын плануе падпісаць кантракт з баскетбольным клубам Украіны», - сказаў алігарх.
Ён дадаў, што спадзяецца ў наступныя пяць гадоў убачыць вяршэнства права ва Украіне.
Нагадаем, што 16 траўня Ігар Каламойскі вярнуўся ва Украіну пасля двух гадоў жыцця за мяжой. Ён з 2017 года пражываў у Швейцарыі і Ізраілі.