29 сакавiка 2024, Пятніца, 13:44
Падтрымайце
сайт
Сім сім,
Хартыя 97!
Рубрыкі

Салдаты расейскага войска зафіксаваныя ў Баранавічах

35
Салдаты расейскага войска зафіксаваныя ў Баранавічах

Актывіст сфатаграфаваў салдат РФ каля ўваходу ў чыгуначны вакзал.

17 траўня 2019 года ў г. Баранавічы Берасцейскай вобласці прыбыла падраздзяленне УС Расейскай Федэрацыі. Салдат дзяржавы-агрэсара зафіксаваў побач з цэнтральным уваходам у чыгуначны вакзал «Баранавічы-Палескія» мясцовы грамадскі актывіст Уладзімір Гундар, паведамляе informnapalm.org.

На сведчанне Гундара мінакі, якія праходзілі побач, пыталіся ў расейскіх вайскоўцаў, што яны тут робяць, а таксама адзначалі, што падобным чынам у 1941 годзе тут фатаграфаваліся салдаты Вермахта. На заўвагу расейскага афіцэра, навошта актывіст робіць фотафіксацыю, Уладзімір Гундар адказаў, што яму гэта трэба і ён знаходзіцца ў сябе дома, на што камандзір расейскага падраздзялення заявіў, што і яны знаходзяцца дома.

Грамадскі актывіст таксама выказаў меркаванне, што беларусы выступаюць супраць прысутнасці расейскіх войскаў на тэрыторыі Беларусі.

Цалкам магчыма, расейскае падраздзяленне прыбыло ў Баранавічы для далейшай транспарціроўкі на 474-ы асобны радыётэхнічны вузел «Ганцавічы» (в/ч 03522, пас. Азярэчча Менскай вобл., размешчаны за 40 км ад Баранавічаў), дзе дыслакуецца радыёлакацыйная станцыя папярэджання аб ракетным нападзе 70М6 «Волга» Касмічных войскаў ПКС Расейскай Федэрацыі.

Напісаць каментар 35

Таксама сачыце за акаўнтамі Charter97.org у сацыяльных сетках