ЗША будуць плаціць іншым краінам за адмову ад расейскай зброі

Еўрапейская праграма пашыраецца на ўвесь свет.

Улады ЗША плануюць пашырыць сваю праграму выплат краінам, якія вырашаць адмовіцца ад зброі з Расеі і КНР, паведамляе «Росбалт».

Гаворка ідзе пра Еўрапейскую праграму стымулявання рэкапіталізацыі (ERIP), паведамляе партал Defense One. У рамках гэтай ініцыятывы Вашынгтон з 2018 года падае сродкі на куплю амерыканскай вайсковай тэхнікі дзяржавам, якія адмовіліся ад расейскай зброі. Між іншым, Харватыя ўжо атрымала $25 млн на куплю БМП, а Славакія - $50 млн на новыя гелікаптэры.

Цяпер праграма павінна быць пашырана на ўвесь свет і ўключаць кампенсацыі таксама і за адмову ад кітайскай зброі.